Tuesday, 2024-03-19, 10:56 AM
Welcome Guest | RSS

Роземак

Шесто одделение





 Овде ќе се објавуваат корисни информации поврзани со наставната програма за 6(шесто)одделение                                                                                                                                                     
 
ЛЕКТИРИ ЗА 6(ШЕСТО) одделение
 
1.„Оливер Твист"-Чарлс Дикенс;
2.„Големи и мали"-Бошко Смаќоски;
3.„Втората смена"-Велко Неделковски;
4.„Улавите години"-Бранко Ќопиќ;
5.Песни од домашни и странски автори -избор;
6.Дело од поновата продукција по избор на наставникот и учениците.
 
Забелешка:Овие лектири со новата програма за деветгодишно образование се обработуваат во 7/9.
 
 
 
 
Со учениците од 6(шесто)одделение беа снимени кратки драматизации по наставната содржина:Разговор-културна комуникација.Видеото е снимено во учебната 2011/2012 година.
Погледнете го интересното видео на следниов линк>> РАЗГОВОР
 

 
 
 
,,Улавите години" од Бранко Ќопиќ,откри нови ученички згоди и незгоди од едно минато време.Учениците се идентификуваа со некои од јунаците и ги илустрираа.
           
                           


                                                    Изработка на филмски играчки

                                                      
 
                                                                                            

                               Обработка на лектирата,,Оливер Твист"-Чарлс Дикенс
 Анализа и опис на ликот Оливер-работа во групи и илустрација на ликот по сопствена замисла


                                               




                                Анимиран филм
                                 


Примена на еко-стандардот:Убав и чист двор

  



 
       
        
                                                           
 Примена на еко-стандардот,Штедење вода на час по македонски јазик:Визуелни и аудитивни елементи при творење лирска песна

                                                                                                                                                                                                                    
                                           Штеди вода

                      Кап,кап,кап!                   Во зелениот парк                Водата е живот
                     Се слуша чуден глас.    тревка поздрав праќа         здравје и сила.
                     Чешмата во дворот,       водата е важна                    Чувајте ја деца,
                      моли за спас.                   кон природата се враќа     вечно да е мила.

                                                                      Амина Касапоска VI одделение




                                          Самогласно Р  
Слогот се добива со комбинирање на самогласките и согласките.Носител на слогот е самогласката.Самогласки во македонскиот литературен јазик се:а,е и ,о у.како носител на слог  се јавува и согласката Р,па затоа се нарекува самогласно Р.Самогласното Р го среќаваме во овие случаи:
1.Меѓу две согласки во зборот:прстен,дрво,прст,срце;
2.Во почеток на зборот:’рѓа,’рбет,’ржи,’рж,’рскавица;
3.Пред слог што завршува на согласка:за’ржи,за’рти,за’рска.

Еве една интересна вежба,проверете го своето знаење!
     Црешовото топче               
 Го изделкале од црешово дрво комити во густа корија                  
 и го определиле да биде гласник на македонската историја.        
Со железни обрачи го опашале                                                             
да грми,земја да тресе;
да рикне низ црната мака,
рајата што ја исплака.
Започнал Илинден со крв и метеж,
пламнале земја и небо,
гинел за слобода мачник што вкусил
горчина лута на лебот.
Јачело моќното грло на топчето,сеело страв и несонија;
тоа ја разнесло ширум вистината
со гласот на Македонија.
                    Трајан Петровски
                                                        Одговори!
                                       1. Во кои зборови од песнава Р игра улога на самогласка?
                                      2.Во кои зборови од песнава Р е согласка?
За другите содржини од фонетика посетете го нашиот блог!



Учениците од шесто одделение работат на подготовка за изработка плакат:
                   Марко Крале во народните песни

                               


Моето училиште                                                         

Моето училиште
е домот мој
во него израснав
со дечиња голем број

Мојата учителка
ме научи знај
песни,сказни
ги има бескрај.

Мојата желба
нека се знае
училиштето сакам
градина да е.
  Селма Бајрамоска     VI a одделение 
                                                                                                   

    ПАТРИОТСКИ  ПЕСНИ»
         НАШИНСКА 

Да ни е да сме доста
колку да се разбистри небото
над Бистрине, Корабине –

Да ни е да сме доволно
колку за да се довардиме
покрај Вардарине и Струмине –

Да ни е да сме мерата
колку да се прелееме
од колено во колено до кај истрајвекот –

Малцичка сме ли ете па што
малцичка божем а веќе со векови
по стопати по севезден нè пребројуваат

Но ние сме како што сте како што се
И покрај сè и покрај сè
колку сме толку сме токму сме!
                                                    Гане Тодоровски
          ДОЈДИ ВО ОХРИД
Во мугрите кога ги растури исток
по небото темно златестите зракој;
штом сонцето тргна проблеснато, чисто,
по пресните следи на нокта и мракот;
езерните далги во утринен блесок
го гушкаат мило крајбрежниот песок,
- тогаш дојди в Охрид!
Кипарисот висок, дабјето крај патот
со ветрот кога ќе запеат песна,
во полето кога се лулее злато,
Дрим разлутен бега под врбите ресни.
Галичица кога ред приказни реди
и мирот со шепот и трепет го следи,
- тогаш дојди в Охрид!
Темнината кога пласт кадифен фрли
и избега денот зад врските снежни;
штом зативне ѕвонот од блиските трла,
врз небото темно ѕвездената мрежа
се дипли, а светот в сон потонал длабок,
сал негде е слушно шумолење слабо,
- тогаш дојди в Охрид!
Во тихата вечер притаена, мирна,
штом месецот тргне по сводот да шета,
и некаде, таму в недоглед ширен,
сакана ѕвезда тој среќен ја срети;
во облесок чуден езерото сјае,
а околу светот се занемел, трае,
- тогаш дојди в Охрид
                 Гане Тодоровски 

ПЕЈЗАЖНИ ПЕСНИ»

Есенски слики

 

По гранките плодот 

жолто - златен зрее

и чиниш ќе падне

на ветрот што вее

 

Се смуртило небото

со сивкаста боја

орач жито жнее

на нивата своја

За топлото лето

птица една тажи

дожде ситно паѓа

земјата ја влажи

 

 

Есен

Задувале ветришта

ништо не ги кроти,

запеале песнички

по есенски ноти

 

Деновите станале

дождливи и матни,

тажни песни шумолат

лисја жолтозлатни

ЉУБОВНИ ПЕСНИ»
1.- Ја опули се, моме мала,
на ваја тука планина,
шчо м`гла има на неа?
Да не ја речеш от бога,
току да речеш от мене,
това се мои здивои,
што здиа јаска за тебе,
а ќе изгора крај тебе.

2. Трено, вино ли се твојте очи,
вино ли се твојте очи?
Погледнеш ме, опиеш ме,
погледнеш ме, опиеш ме!
Трено, у кого си погледнала,
секому си болест дала.
Трено, кому два дни, кому три дни,
а на мене три години!

3. Еј јуначе, црноок невене,
ја не сум ти магија сторила,
ни пак сум ти коња билјосала!
Магија се мојте црни очи,
блено билје мое бело грло!

ХУМОРИСТИЧНИ ПЕСНИ»
1.Е бре дедо, ерген дедо,
педа човек, лакот брада,
везден одиш, везден шеташ,
голо босо низ саборо,
везден гледаш по момите,
како прчо по козите...
 

2.Момче невеста фалеше,
имам невеста работна,
на ден си нишка тегнеше,
в недеља к`деља вретенце,
и во месецот пасменце,
во годината платненце..

3.Земи ме, Пено мори, што ми е мене,
дали не сме, Пено мори, ние чорбаџии:
куќа на два ката, тркало на врата,
крив ќе влезеш, Пено, грбав ќе излезеш;
сурија овци, девет се сите,
осом комшиски, една е туѓа.
Дали не сме, Пено, мори, ние чорбаџии:
деветмина браќа с едно рало гаѓи,
еден ги смакне, друг ги натакне,
дали не сме, Пено мори, ние чорбаџии?

Section categories
Најново! [10]
Погледнете ги нашите најнови активности!
Log In
Search
Calendar
«  March 2024  »
SuMoTuWeThFrSa
     12
3456789
10111213141516
17181920212223
24252627282930
31
Statistics

Онлајн: 1
Гости: 1
Корисници: 0